SANTE ET ALCOOL - SANTE SANM LAKOL.

KREOLER SANTE.

LAKOL!!!

Si nou pé défini lalkol. I donn aou in fo lidé lavi, sé in maladi ou tout i spas dann out tèt, lar de suisid aou volontairmané inkonsiyaman.

Promyé pa vèr la dépandans.

Zordi inn , domin innot, ti pa ti pa san savoir nou doviyn alkolik. Bonpé domoun na in fo zidé si lalkol, èt lakolik sé pa boir a forte dose dinkou, in persone lé dépandan lakol kan i fo ali son dose kotidiyn po komans la zourné, lo matin inn ti kou, lo midi innot , anfin lo soir déti po défatigé soidizan, inkonsiyaman out kor i domann. Et po sèrtin la dépandans sé lo week end la fèt dopi vandrodi zika dimans, tou lé soir an sortan out travay. So bann moune i di zot i bwa pa in bonpé zot risk lé konm parèy lo persone i boir a sak instan sok ké li lé an sirsi in pé pli lontan, to ou tar son kanar sora noir. Epila po dia zot pa sinpléman domoun lé pov ou sinonsa i tous lo RMI lé alkolik, dann tout lo bann klas sosiyal lé parèy, kisoi la loi,kontabl, bann boug na gro larzan tou lé a mèt dann lo minm paniyé .La poin siroz spésiyal domoun ris ou domoun pov tout i gout lo minm sos... Lo rom ou wiski sé lakol é kèl soi son dégré .... Konsomé avèk modérasiyon? Lé rar ké dann in fèstin domoun i konsome avèk modérasiyon, pars kank ou lé dann lo tourbiyon lé dir po sorti (sat i di amoin po zot lé fasil fo war antr dir é fér sé po sa la pub i di aou boire ou conduire) minm kin moune lé pa alkolik lakol lé in danzé po li èk son famiy, son zalantour. Kan in moun i fé in kuite la vèy fo pa li oubli lo landomin li lé ankor soul. Mi kroi ké lo kor i disip lakol a otèr de 0.10g par èr é sa i dépan plizir faktèr, la korpilans si ou la manzé ou pa,si ou lé in fanm ou sinonsa in bononm laz osi i zoué in rol.

Konsékans si la vi lo moune.

Awoir in moune lé alkolik dann inn famy lé pa in soz fasil, souvan so moune la lé rozété fote de konésans si so fléo. Olyé édé biynsouvan lo pèrsone lé anfonsé, é si li vé arété podvré lé inpé difisil. Avèk lakol si ou pran pa konsyans, ou si na poin inn po tann aou la minm lé sir ou sar sipyé soutèr, mé avan ariv la odrémyé.

konékans si out santé.

Kansèr : Bous, la gorz, oesofaz, ,siroz, kardiak, maladi sistinm nèrvé, anksiété,déprésyon, troubl lo konportman..... la list lé long.

Arla détroi zafèr i sopas dan out tèt kan oulé alkolik:

La pèr mor. Mal dann out poitrine konmsi out kèr i sar arété. Lamin i tranmbl,minm la lang, lokor i port pi aou. Si ou na zanfan la pèr ké ou wa pi out zanfan. Inposibl giny somèy, la pèr ou révèy pi. Kosmar. Anvi vomi asak instan. Anvi fini èk sa. Koz tousèl. Oubli sak ou la fé, sak ou la di. Tonmb dan koma lalkol. La lis lé long biynsir, kank ou pans tousa i donn a réflésir.

Koman ansort ou?

Po ansort aou lé pa fasil, lo myé sé tourn aou vèr out mèdsin, bann zasosyasyon zot minm lé kapab fé in zès, èd aou. Na domoun konm ki di na tanpéraman zot i pé ansort azot tousèl, mé lé tré rar. Sé in konba toulézour, minm si ou suiv in kir de dézintoxikasiyon lé pa pou otan ou lé tiré dafèr, in nafèr lé inportan sir tou évit bann soiré ousa na lalkol pou pa èt tanté. Epila é mont aou minm minm ké ou inm aou, po èt pli for ankor sé démont a tou sak i pans ké ou lé pa kapab ké zot na tor. Si par sans ou la giny arété tant pa lo diab,minm inn ti gout i fé rosit aou. Sort dann so trou noir la, sé voir la vi din not fason... Lé vré dann la sosyété ousa nou viv tout i fé rapèl anou lakol nou lé tanté a sak minit po boir, la pib dann télé,si pibilsité dann zourna, dann bann film nou rogard. Nou lé pa a labri, mé i fo ké nou fix anou un but é pa ékarté, voir bann zasosiyasiyon ki pé èd omyé.

Anfin.

Magré banna la ogmant lo pri bann boison alkolizé lo to bann zalkolik i dimini pa de gran soz, na domoun de pli anpli zinn i konsome, é sa san mazine lo bann konsékans si zot vi prézan, é zot vi fitir. Lir la Swit!!! http://zorz.free.fr

Kreoler.