DANYEL WARO..

TEXTES REUNIONNAIS

Bat la min.

Bat la min dansé
Bat la min dansé bann momon
Bat la min dansé
Bat la min dansé bann momon
Zanfan lé sové
Zordi wi kalkil porézon
Zanfan lé sové
Li giny byin kozé
Dopi lo tan li lé déporté
Asé plér partou bitasyon lé anbandoné
Bat la min dansé bann bourzwa
Somaz fantézi
Sak na gro larzan zot i di
Somèr lé péyé
Azot minm
I fé viv anou po nou grat nout ki
Di azot vyin sanzé wa di amwin
Si lé fantézi.
Bat la mmin dansé kamarad
Bat la min dansé kamarad
Zafèr wa sanzé.
Mwadzyin la arivé la di anou
Ni sava ginyé
Astèr la la rantr
Nou lé sir nou va rèt fransé

Asé kri partou Larényon zafèr wa sanzé 1979 Danyèl Waro Tansyon pangar bann tèks la lé protézé par la lwa . Po tilizé mèrsi prann kontak sanm lo bann moune konsèrné,.Bann tèk lé si lo sit KREOLER na in bonpé lo bann

Boulouzé

Konm an takon ti vèr lo rom
Dolo i tonm i tonm
I tonm minm
Baya mi yinm don monmon
Si blak la dési la plinn
Basin dolo la.
Kas andé dann in karo trénas
I ras i ras Ras minm
Mwin na la flinm don monmon
Sou pyézak la
Lé an karinm mon vinn la
Dowé ! Mon kèr lé sonblyié
Pi bézwin saroyé don monmon
Dowé! Mon kèr lé sonblyé
Na pi po saroyé. Fonn fèr zinnta
bann monmmon
Bitasyion maloya boulouzé
Fonnkèr zinntan
bann monmom
Bitasyion maloya
boulouzé
Fèy baton dosik dann kèr solèy
Mon barkolé lé grafiné
Kilé aswar don monmom
Dann lo mi biny
Koutyak koutyak
Komn gran kouto.

Dyak wo i wo gly koudyak
dyakoudyak
Wo i pèf
Po kasèr dozèf
Sèr pa laryaz don monmom
dann létivèr
Lamayaz dann karé laryèr.
Koudpyé koutpwin dann mon
lodpyé
Mon zoubim trap baké
Sifon'n figir don monmon
Sifon lo pyé
Mi kone pi kèl rant lé dé.
Patat la fouy par détrwa kat
Kouvèr la brèz si foyé
Mon bann zokri don monmon
Krazé lo kor katpat i dor
Dési la sèz
Aspèr ta war lèr ti féklèr
Mon bann ti krim
La kour la kizine
Sapé dawar don monmon
Saminm bonèr bonèr lontan
Bann marmay.
In ti mïzing manzé sofé
Ek in ti zafèr gryé
Mazinasyon don monmon
Dann doulèr po bitasyon
Té i sov Loumay

1980 Danyèl Waro

Kreoler.

Kanal kiltirel rénioné.