Saminm nout kiltir Larényon.
Bann sérémoni sakrifis isi dann nout péi i tant a disparèt inpé parapor la lwa i vé fé ansort ké tout i pas par bann kontrol, domoune isi dann péi la lé pa dakor pars sa sé in tradisyson la rolizyon bann zansèt..na pwin lontan dann lané 2001 , la lwa la rod fé arèt bann mizilman pratik bann sakrifis. Bann zinn koméla i komans a oubliyé so bann tradisyon, mé rèzman nana i komans prann konsyans de so valèr ansèstral. Sérémoni bann malbar Larényon , na in dat byin prési po fé .Sé in nafèr i tyin de famy , mé osi zami na souvandéfwa plizièr bondyé dann in sapèl i ofr souvan in lofrand pardyé , in gran katrinm lé byinsir fé .
I rant pa dann la sapèl ansanm savat , sinonsa soulyé, po bann bononm i fo pa zot i sar dor sanm zot madam, i fé sanm apart, po bann madam i fo pa zot lé anrèg ou sinonsa ansint i riskab fé rat lo sérémoni.Po sèrvis kan i tyé kok sanm kabris la fin lo sérémoni dann laprémidi kan tout lé fini tout bann fidèl sanm domoun voizinaz minm moun i sort lwin in gran manzé lé doné , sivé kabri, kok masalé, lavyiann griyé , labwason. Kan nou di sérémoni pa tout i tyé zanimo , ninpé bondyé sé sèrvis légim.Na osi pik zégwi. Bonpé sapèl i donn domoun manzé , é na dé dat espré pou fé in sérémoni.
Nana i donn osi bann plato zofrann pou fé réaliz in vé zot la fé....... Tèrla zimaz la sé in bann moun i sar fé in sérémoni po mars dann fé si zot tèt na in karlon, nou wa souvan banna i pas kaz an kaz pars sèrtin na in plato po doné fri tousala é sirtou po zot giny in bénédiksyon Dann tan lontan , koméla osi banna té treavèrs sanm in simbou po giny inn ti moné , pars péèt avan té pa tro ris. Koméla in sérémoni i kout sèr pa tout domoun i giny invèsti azot laddan,la plipar ditan domoune i koup kabri zot i sony , zot i sakrifi , po bondyé.. Si mi parl azot sa sé ké mon famy i fé bann sérémoni , lé osi zourla in gran fèt ousa tout la famy zami i anprofit po kozé é artrouv azot.
Réseaux SOUBOU GEORGES Ile de la Réunion tous droits réservés. Réalisation Georges Soubou pour kreoler