MAOUL

ESPACE MULTIMEDIA ILE DE LA REUNION

Auteurs Océan Indien

Koud-zyé si Maoul.

Si koméla i tap pi tro marmay
Pa byin lontan té i ral zot kabay
La désiré pa koz zot té batay
Kisa la fé té i fyak
La ralé la pousé bé la tapé
Lo zorey lo sévé bé la sapé
Koud bagèt la ginyé dési la tèt
Dé plis dé ti koné pa ta pis kaka
Si pa kapab zwazo a la volèt<
> Fé atansyon  son gro kout bagèt
In gran gozyé aforstan kriyé
Giny pi kozé rétrèt antisipé
La ralé la pousé bé la tapé
Lo zorey lo sévé bé la sapé
Koud bagèt la ginyé dési la tèt
Dé plis dé ti koné pa ta pis kaka

Si ton momon napwin zoli flèr
sar dési twé li va tir son kolèr
Dann fon la klas  si na pwin dann ton kalbas
si twé lé nwar é twé té maléré

La ralé la pousé bé la tapé
Lo zorey lo sévé bé la sapé
Koud bagèt la ginyé dési la tèt
Dé plis dé ti koné pa ta pis kaka

Ek son mouswar toultan té po mousé
Si inn i ri i giny koud pyé dann ki
Romersiman po tout son vyolans
Bé koméla konséyé pédagozik.

La ralé la pousé bé la tapé
Lo zorey lo sévé bé la sapé
Koud bagèt la ginyé dési la tèt
Dé plis dé ti koné pa ta pis kaka

Rékréasyon i fo fé atansyon
Koz pa kéol minm si sa ton nasyon.
Ton kamarad va pas atwé ti bèf
Ariv katrèr estèr i fo ti rès.

MONN  TI KAFRINE (Yves Hoareau)

Ou la pran lavyon
Ou la kit amwin
Ou la lès amwin
La konm in kouyon
Estèr ou rogrèt
Mé lé to tar
Zore la pa nwar

Koté ou valé
Monn ti ti kafrine
Koté wa resté
Mon ti gaté
Koté wa dormi
Wa mazine amwin
Ou poura pa oublyé
Tousak nou la fé
Kan nou té ansanm tou lé dé

Ou la pran lo trin
Po alé pli lwin
Mé ou kalkil pa
Domin kwé nora
Mé inn sézour
Ou va war
Zot i yinm pa lo nwar
Koté ou valé
Monn ti ti kafrine
Koté wa resté
Mon ti gaté
Koté wa dormi
Wa mazine amwin
Ou poura pa oublyé
Tousak nou la fé
Kan nou té ansanm tou lé dé
Estèr ou na pi lamoné
Koman ou va fé
Po fé kwi manzé
Fodra ou domann la sarité
Zot lé san pityé

   

MAOUL(Yves Hoareau)

Lé nwar lé blan lé mélanzé
Maoul kozé lé maoulé
Po rakonté li va santé
Domoun i ri li lé maléré

Lé kodindé  sové  konyé
Maoul fransé la fine fané
Li koné pi son pédigré
Malgas ti pé li giny kozé

Litonn sousou sa in maoul oté
Lo sou konflor patat avélé
In yab pat zone  sa in maoul oté
I giny pa di mé i giny fé
Wawar napwin po moukaté
Saminm in moun
Komn tout domoun oté

La pat kanar na pwin soulyé
Maoul somin santyé galé
Ferblan dolo si son koko
La pay fig dolo  dann son do
Sousou zèrnyom dann bitasyon
Maoul i bwar son rom maron
Ti plans kouto karot taba
In pyé zamal po kok batay

Litonn sousou sa in maoul oté
Lo sou konflor patat avélé
In yab pat zone  sa in maoul oté
I giny pa di mé i giny fé
Wawar napwin po moukaté
Saminm in moun
Komn tout domoun oté

La lamp pétrol po ékléré
Maoul napwin léstrésité
Kizine la pa sofistiké
Kasya moulal ék boukané

Li fé pityé li rès dan léo
Maou li koné pa monbolo
Napwin bonpé i sar lékol
Nana i poz la kol

   

Soubou-Georges 1993-2009.