Logo logo tete du document

KREOLER SANTE SIGARET.

Plus d' infos sur la chaîne KREOLERTV Youtube. Soubou.fr i propoz azot osi bann dokiman si plant, fone Larényon, ézit pa louk in zyé.

SANTE SIGARET

Sat i konsèrn sigarèt!!!

Sat i sibi la fimé lézot.

Si in boug ou in fanm i fim pa mé i réspir la fimé sat i ral si zot koukoun , é indirèktoman li sibi lo danzé. Si pandan in takon zané ou rèst , ou travay koté in fimèr , sé konmsi ou stin fimèr pisk i fé lo minm zéfé si ou ké si li! Détrwa sigarèt par zour i ogmant lo ris ou giny in kriz kardiak pré 20 ziska 30%. Rèspir la fimé lézot i riskab èt danzéré pou ou minm.

La lwa i défann sat i fim pa.

La lwa lo 12 sèptanm 1977 i intèrdi fime dann détrwa zandrwa piplik konm ousa i fé kwi, prépar manzé ou i vann, dann lopital , lékol. La lwa lo 01 novanm 1992 i agrandi so bann zintèrdiksyon ziska dann bann zantropriz , biro, lavyon , lo kar. Bann rèstoran i dwa awar in landrwa po bann sat i fime pa é sa i dwa èt marké dofason tout i wa. Konm ki diré in pé mwin movéfron ,san rèspé i pé amélyor lo sityasyon. Mé malérèz man na ankor si la tèr domoun i rèspèk pa .Po so ki konsèrne lo markaz si in pano dann bann rèstoran si néna lé byin kasyèt ou na aryink fimèr dann so bann zandrwa la .

Kosa i sopas kank ou fime?

Sak fwa ou ral in lèr, la fimé sigarèt la i rant dann out pwatrine , é i raminn dann out kor in takon lapwazon toksik: Nikotine, lé danzéré sirtou pars lé pa bon po out sistinm nèrvé, pabon po lo nèr, sé po sa kank in fimèr i arèt fimé li rosan. Lo goudron lé dodan li minm lé rèsponsab bann kansèr. Loksid karbone lé priv nout san loksizinn ké nout vi la bozwin.So mélanz dann nout kor la bous , lo né ti pa ti pa li rant so bann zingrindyinn la. Amné par lèr nou rèspir ti pa ti pa li giny lo larinks,lo trasé, bann brons, lo poumon.Lo san son tour li transport tousa dann nout bann sélil: nikotine, loksid karbone é dot zafèr i sort dann la fimé sigarèt.

Lo Mank

Nikotine i donn aou so lanvi, so mank lé byin koni sanm bann fimèr so lanvi ousa i pé pa tenir défwa. Dépandans ou pa, lo dégré la lé pa parèy parapor din fimèr a in not. Na tès i pé dir so dépandans la .Tès Fagerström ekzanp. Dépandans sigarèt lé konm bann drog dir.Pli ou lé in gran fimèr plik lé dir po ou arété

Ti moun sanm sigarèt.

Bann ti moun la byin souvan zot i sibi si garèt parapor zot bann paran sa défwa avan zot i énèt. Kan zot i grandi souvan la piblisité i pous azot banna i rod bann nouvo fimèr. Lo bann sékèl i déklar souvan dézané apré. Bann zinn fimèr sovandéfwa i giny i lifraktis a laz 45 an prèské touzour. Lo danzé po zoz zartèr, zot vinn. Bann zartèr koronèr i alimant zot kèr. Zot i pé giny in linfraktis, morsibit. Lartérit plipar di tan lé sanm bann fimèr nou artrouv sa.Zartèr sérébral lo moun i riskab èt paralizé, loksid karbone i pran la plas loksizinn dann losan li fasilitélo dépo kolèstérol si bann zartèr. Nikotine i fé bat lo kèr pli vit , lfé mont tansyon , li totos lo bon kolèstérol,<< HDL>>li bèz bann plakèt lo san , li fé form bann kayo. Bann Fanm lé osi ménasé. Anplis lo bann konsékans bonom néna, po fanmlé pa bon si ou vé giny ti baba, si ou prann pilil na in ris vaskilèr, mélanz sigarèt sanm pilil lé pa bon ditou. Na in ris konplikasyon pou lo fanm ansint. E inn ti moun pli frazil kan li wa énèt

Po la libérasyon.

Zot méyèr kamarad sé zot minm. Ou minm ou pé prann so désizyon la é réspékté. Po motiv azot swazi in zour lo zour zi in lanivèrsèr , in fèt in lévinnman.Prévyin out mèdsin wa pouvwa èd aou de out dépandans é osi out lantrouraz , kamarad. Ed aou ou minm dékontrakt aou , fé bann zèkzèrsis rèspirasyon, bwar in rann vèr dolo kan lavi fimé i prann aou, rod bann trik i fé oubli solanvi . E sirtou fé sport

Arèt fimé ou lé giny si tout .

La mwatyé bann fimèr i vé arèté, ké ou lé inn ti ou in gran fimèr arété i vo vréman la pinn. Malgrélé dir po bonpé bann fimèr lé pli dépandan, lasirans a kou sir i pèrmèt azot élimine pli ou mwin i in pèryod tout lo mal lo taba la fé, la nikotine , loksid karbone sanm lo bann zéfé. zot souf i rovyin , la tou gran matin i sava , é i diminyé lo ris kriz kardiak, kansèr poumon.

Kreoler.

Kreoler est un site sur la culture l' indentité réunionnaise.
Welcome in the world planet Reunion Island. Kreoler in sit si la kiltir Larényon tyinbo ansanm larg pa.

 logo soubou reseaux

Réseaux SOUBOU GEORGES Ile de la Réunion tous droits réservés. Réalisation Georges Soubou pour kreoler.